Disa ditë më parë një ngjarje e rëndë ka ndodhur në një shkollë 9-vjeçare në Lundër ku një eksponent i PS-së ka dhunuar mësueset.
Por policia edhe këtë herë ka vendosur të fshehë ngjarjen e rëndë, duke mos proceduar personin dhunues.
Drejtoresha e shkollës dhe dy mësuese kanë rrëfyer për syri.net për skandalin e 5 ditëve më parë, kur Bardhi Zizi u fut në ambientet e shkollës dhe dhunoi edhe një mësuese shtatzënë.
“Prindi bërtiste dhe kishte një ton të lartë të zërit dhe përdorte një fjalor joetik. Zotëria shtyu një mësuese që ishte shtatzënë. Njëra prej tyre ishte shtatzënë u futa që të mos dëmtonte atë. Prindi i nxënësit është Bardhi Xixi, i cili është liruar nga burgu. Të pranishëm ishin pesë mësuese, mua më ka shtyrë, njërën prej mësueseve e ka goditur, tjetra ishte shtatzënë dhe e kemi larguar. Ngjarja ka ndodhur rreth orës 12:00. Nxënësit e tjerë u terrorizuan, pasi ai ishte i dhunshëm”, tha drejtoresha Alma Kaziu.
https://www.facebook.com/portali.syri.net/videos/2448127711885440/
