Të paktën 29 persona humbën jetën, dhe 27 të tjerë janë plagosur pasi një autobus që transportonte turistë gjermanë doli nga rruga dhe u përmbys në ishullin portugez Madeira.
Agjensia e Lajmeve Lusa njofton se aksidenti ndodhi në orën 18:30, ku shoferi humbi kontrollin e autobusit në një kryqëzim dhe doli jashtë rrugës pranë qytetit Caniço.
“Nuk kam fjalë për të përshkruar atë që ndodhi. Nuk mund të përballoj vuajtjet e këtyre njerëzve”, tha kryetari lokal Filipe Sousa për televizionin SIC.
Nënpresidenti i qeverisë rajonale të Madeira, Pedro Calado, tha se autobusi i plotësonte standardet e sigurisë dhe se ishte “e parakohshme për të folur për shkaqet që shkaktuan rrëzimin e tij”.
