Drejtoria e Përgjithshme e Burgjeve nuk i ka dhënë leje Aleksandër Murataj, për të marrë pjesë në varrimin e vëllait Admir Murataj, kjo gjë ka shkaktuar tension në burgun 313 në kryeqytet. Admir Murataj mbeti i vrarë gjatë përplasjes me armë me policinë pas grabitjes në Rinas.
Aleksandër Murataj kishte kërkuar leje prej autoriteteve dy ditë më parë për të marrë pjesë në ceremoninë mortore që zhvillohet sot në Tropojë, në vendlindjen e tyre.
Vëllai i viktimës ndodhet në burgun 313 ku vuan dënimin me 16 vite për grabitjen e 2 milionë eurove nga blindat në Rinas, ndërsa për të gjithë grupin në total Gjykata dha 127 vite burg.
