Ka nisur edhe sot protesta e banorëve të Unazës së Re, të cilët kundërshtojnë projektin e Unazës së Madhe, ku një nga banorët u shpreh se pavarësisht se policia u bën presion nuk do e ulin kokën.
“Sot shoh që pjesëmarrja është shumë e mirë. Na thirrin në polici na bëjnë presion. Por çfarë duhet të bëjnë qytetarët kur shohin shtetin të lidhur me mafiozët? Çfarë duhet të bëjmë ne të ulim kokën? Jeni të paaftuar ndaj nuk ju do njeri në Unazën e re. Del ministri Xhafaj dhe thotë se në Shqipëri janë rreth 40 familje mafioze. Sa janë arrestuar? Ku janë këta familje mafioze? Janë në kupolën më të lartë qeverisëse”, ka deklaruar banori.
