Ministri serb i Punëve të Jashtme, Ivica Daçiç, ka thënë se me përfaqësuesit e bashkësisë ndërkombëtare kurrë nuk ka pasur bisedime se çfarë dëshiron Serbia si rezultatin përfundimtar në negociatat me Kosovën.
“Nuk kemi ardhur te këto tema. Sa herë që është hapur një mundësi për të shkuar drejt kompromisit, gjithmonë ka ndodhur ndonjë incident. Këto nuk janë vetëm dyshime, ekzistojnë pretendime se disa vende evropiane nuk duan që kjo të përfundojë shpejt”, ka thënë Daçiç.
Ai thekson se duhet të hiqet taksa ndaj mallrave serbe në mënyrë që të vazhdojnë dialogun, “por fakti se ata [Kosova] nxori Platformën për dialog, kjo na vë në një pozicion të ri politik – se ata nuk duan asnjë kompromis”.
