Ish-deputeti i PD-së, Bardh Spahia është një nga zërat më kritik ndaj qeverisë kur vjen puna për problemet që hasen në fushën e shëndetësisë.
Me anë të një reagimi në “Facebook”, Spahia shprehet se ka denoncuar që vitin e kaluar se në QSUT , 93 % e barnave janë të skaduara.
“HAJDUTËT ME PUSHTET! E kam denoncuar që në fillim nëntorin e kaluar abuzimin skandaloz me blerjen e ilaçeve, ku 93% e barnave në QSUT ishin te skaduara. Në atë kohë ministrja Manastirliu e konsideroi shpifje e tha se shifrat janë kokëforta. Koha e tregoi se shifrat e abuzimit janë kokëforta: 7 milione euro ilaçe të skaduara, jo pak!!! Përshëndes investigimin e BIRN si dhe procedimin penal të hapur nga Prokuroria e Tiranës.
Ështe kriminale të luash me jetën e pacientëve, duke synuar përfitim permes ilaçeve. Të gënjesh është po aq kriminale! Kush ka abuzuar duhet të paguaj! As mjekët, as pacientet e as taksapaguesit nuk duhet të tolerojnë vjedhjen si model qeverisjeje!”, shkruan Spahia.
