Një ngjarje e rëndë ka ndodhur në fshatin Kutalli të Urës-Vajgurore ku një 64 vjeçare i ka dhënë fund jetës mëngjesin e sotëm.
Mësohet se nëna e 5 fëmijëve është gjetur e varur nga familjarët e saj në kasollen e bagëtive, pranë banesës së saj.
Ngjarja është shënuar mesditën e sotme dhe kanë qenë dy djemtë e të ndjerës ata që e kanë gjetur nënën e tyre të varur.
Burimet nga Drejtoria e Policisë së Qarkut Berat, pas ekzaminimit të vendngjarjes, deklarojnë se 64-vjeçarja është vetëvarur dhe se në trupin e saj nuk ka shenja dhune.
