Kryeministri i Italisë Giuseppe Conte i ka bërë thirrje qeverisë së Kosovës që të heqë tarifën 100% për mallrat serbe.
Gjatë vizitës në Serbi, ai tha se Italia shpreson që së shpejti do të arrihet një zgjidhje kompromisi midis Serbisë dhe Kosovës. “Kosova duhet të tregojë përgjegjësinë e nevojshme dhe përpjekjet për të rivendosur bisedimet dhe për të tërhequr taksën që vendosën nëntorin e kaluar”.
Ndërkohë Presidenti i Serbisë Aleksandër Vuçiç pas takimit me Conten tha se nuk do të ketë hyrje në BE për ne derisa të arrijmë një marrëveshje me Kosovën.
