Presidenti i Kosovës, Hashim Thaçi ka zhvilluar një takim të përbashkët me drejtorin kryesor për Çështje Evropiane në Këshillin e Sigurisë Kombëtare të SHBA-së, John Erath, drejtorin për Ballkan të Këshillit Kombëtar të Sigurisë së SHBA-së, Brad Berkley, si dhe me Ekipin Negociator të Kosovës.
Zyra e presidentit Thaçi njofton se në këtë takim është biseduar për procesin e dialogut përfundimtar ndërmjet Kosovës dhe Serbisë, duke përfshirë këshillat e SHBA-së për domosdoshmërinë e heqjes të përkohshëm të taksës dhe rifillimin e dialogut me Serbinë.
Ai mes tjerash ka theksuar se i gjithë grupi negociator i Kosovës ka rënë dakord që të hiqet taksa me Serbinë dhe procesi i dialogut të vijojë normalisht deri në gjetjen e një zgjidhje me interes të përbashkët.
