Nga Adriana Capi
Nuk janё vjedhjet me koncesione, si njё “kronikё e vjedhjeve tё paralajmёruara” nga oborrtari Shalsi.
Nuk janё fasadat, me tё cilat na mёsoi qё me pallatet mynxyrё qё i pёrdori kudo: nё Rilindjen urbane miliardare qё i ranё pllakat si dhёmbё tё ngjitura me mastiç. As veshjet e shtrenjta tё policёve me lekёt e papaguara tё ushqimit. As show Erdoganian i ambulancave e aq mё pak, arritjet kobёzeza nё mjekёsinё falas, ku njerёzit vdesin si miza nga kanceri, ndёrsa Nushi “parandalon” diabetin!!
Nuk janё as bojrat, me tё cilat veshi njё Ligj arsimi tё qepur sipas masёs sё Naim Çilit!
Ku e ku mё pak Shqipёria qё lexon (ose bёn seks!!), ndёrsa prish Teatre pёr kullat e oligarkut tё radhёs. Apo kapricot me Jaguare, burgosja e njё tё pafajshmi qё flet, kur na pёlqejnё tё vjedhim piktura mediovale!
Nuk janё qёndrimet prej diplomati playboy, se tashmё e di edhe bufi qё drejtёsinё e bёn Amerika e ekonominё e kontrollon Europa.
Jo jo! Tё gjitha kёto, janё thjesht pёr gabimin qё zgjodhёm tё votonim njё “ҫun tirone” kundёr njё vrasёsi gjakftohtё. Nё fund tё fundit, zgjodhёm tё keqen mё tё vogёl, siç kemi mёsuar tё bёjmё tashmё ka vite.
Pikёrisht kёtu gabuam!
Nuk kishim si ta dinim se nёn ҫarapet e kollaret ngjyra ngjyra, flinte e njёjta sёmundje pushteti si tek paraardhёsi i tij vrasёs.
Ne qё e votuam nё 2013, ishim tё sigurtë se edhe nёse nuk merr erё nga numrat, Shkёlqim Cani qe adapt. Derisa ky “ҫun tirone”, tashmё Lartmadhnia e tij, u bind qё i dinte llogaritё e shtetit shumё mё mirё se Cani-ekonomist me pёrvojё disa dekada. Dhe ja dhuroi financat e shtetit njё mёsuesi anglishteje e njё freshisteje qё e ngatёrron me Zeusin! Pёr tё mos folur pёr “bankieren” gojёshthurur qё delironte si tё kish zbritur nga Wall Street pёr tё shpёtuar Shqipёrinё!!
Rezultati? O Zot, shpёtona FMN!!!
Apo drejtёsinё njё OJQ-iste qё do ta ketё rrahur, kur kthehej nga Opinion, pёr aq sa i ngeci goja duke parё celularin!
Pёr Mbrojtjen, kemi atё cupёn qё na sillte ujё (e ca gjёra tё tjera) te greva e urisё!
Diplomacinё? Mё ka fol Batoni pёr njё cun qё i bёn like në FB!!
A ju kujton gjё kjo skemё? A nuk ishte Berisha kryeminstri mё arrogant, ai qё mblodhi tё gjitha pushtetet, qё qeverisi me spikera lajmesh tё bёra Ministre e u kujdes t’i vinte flakёn PD-së pas ikjes sё tij me njё qyq si Luli i Vocёrr?
Identik me tё ёshtё Rama!
I njёjti delir pushteti, e njёjta tallje e institucioneve deri ne poltronёn e Ministrit! Madje ca mё keq: ёshtё edhe i bindur se ёshtё specialist nё çdo fushe. E kam dёgjuar me veshёt e mi, kur i qetё se nuk kish nevojё pёr letёr dhe se merrte erё nga Farmaceutika mё shumё se Ministri Beqaj, mbajti fjalim nё dhёnien e njё eskluziviteti farmaceutik Vilma Nushit, qё natyrisht Fuga e shiti si hapje tё njё zyre tё re farmaceutike!
Foli e foli e foli… pёr rimbursimin e barnave qё ёshtё rritur nё vend! Njё nga drejtuesit e huaj tё firmёs, me shumё takt e me zё tё ulёt, mё pyeti:
– Mesa di unё, firma jonё nuk ka barna nё rimbursim, apo jam gabim?
Po ndёrkaq, KM super i vetёkёnaqur, ishte ulur e kish filluar tё pikturonte, mbase vetё fytyrёn e superçuditur tё bashkёbiseduesit pranё meje! Art kontemporan, jo shaka!
Ja pra, pse as mё ftohin e as mё ngrohin mё oborrtarёt qё ikin e vijnё krah tij. Sepse, ai as i pyet mё se ku po shkoj tё flas e jo mё çfarё do flas! Sepse, ndihet Padre Eterno deri nё qesharak!
Sepse pёr tё, quhet e majtё moderne tё shesёsh Shqipёrinё te 5 oligarkё!
Sepse, qeveris si Berisha, si Erdogani!
Po nё fakt, pakti i 2008 duhej tё na kish hapur sytё! Tani le t’i fryjmё sytё e tё votojmё tё fortёt e radhёs! Ciu! Ose…, po jo, nuk jemi nga ata ne!
