Studentët do të protestojnë sërish sot në ditën e gjashtë të protestës së tyre para ministrisë së Arsimit.
“Jo negociata, vetëm plotësim të kushteve!” është thirrja me të cilën studentët kanë protestuar përpara Ministrisë së Arsimit, duke kërkuar plotësimin e kërkesave të tyre.
“Të gjithë studentët janë ftuar të mblidhen në fakultetet e tyre në orën 8:30 deri në orën 9;30, prej nga ku do të bëhet nisja drejt Ministrisë së Arsimit.
Në orën 10:00 të gjithë do të jenë tek Ministria e Arsimit, ku janë ftuar të vijnë të gjithë ata që nuk kanë mundësi të shkojnë pranë fakulteteve.”- thuhet në njoftimin e shpërndarë në rrjetet sociale.
https://www.facebook.com/Ora.News.RTV/videos/663904527345552/
Kujtojmë se studentët ngulmojnë në zgjidhjen e kërkesave të tyre:
1. Përgjysmimi i tarifës së studimit.
2. Përmirësimi i kushteve të konvikteve.
3. Bordi i Administrimit të ketë̈ numër të barabartë votash mes fakulteteve dhe Ministrisë se Arsimit, duke shtuar një përfaqësues nga studentet ne bord.
4- Paisja e të gjithë studentëve me Kartën e Studentit brenda vitit akademik 2018 – 2019;
5- Rritja e buxhetit për arsimin me 8% të GDP-së, buxheti për vitin 2019;
6- Mbështetja e aktiviteteve dhe projekteve të studentëve me një fond të veçantë;
7- Mbështetje e studentëve për kërkime shkencore;
8- Mbështetje e studentëve të doktoraturës me fonde për kërkimin shkencor;
