Deputeti i Partisë Demokratike Klevis Balliu, i ftuar në Fax News foli për protestën e banorëve të zonës së Astirit, të cilët tashmë prej ditësh po protestojnë për pronat e tyre, pasi në kuadër të ndërtimit të Unazës së Re shtëpiat e tyre do të shemben.
Balliu u shpreh se projekti për ndërtimin e Unazës së Re është tërësisht korruptiv dhe vjedh taksat e shqiptarëve.
Balliu u shpreh i vendosur se PD do të mbështesë banorët, deri sa të marrin një zgjidhje nga qeveria për të drejtat e tyre.
Për sa u përket banorëve të arrestuar Balliu u shpreh se këto janë mekanizmat që përdor Erjon Veliaj dhe Edi Rama për të bërë preson ndaj qytetarëve.
Për sa i përket përfshirjes së PD-së, Balliu u shpreh se banorët kanë kërkuar vetë që PD të jetë pjesë e protestës.
“Banorët na kanë kërkuar vetë dhe realisht ka qenë e vështirë, pasi aty ka shumë të majtë në atë zonë.Ato banorë kanë përballë një organizatë kriminale dhe disa banditë.Kanë 27 ditë që ato banorë presin një përgjigje nga qeveria dhe bashkia. Në cilin bunkier janë fshehur?! Qeveria duhet të shkojë që tu zgjidhë problemin e banorëve. Ne jemi aty për ti mbështetur.
Balliu u shpreh se PD do të mbështesë protestën deri sa banorët e zonës së Astirit të marrin një përgjigje për banesat e tyre dhe të dëshpërblehen 100% në vlerën e tregut.
/faxweb/
