Melania Trump është pritur ngrohtësisht nga Brigitte Macron në Paris, ku çifti amerikan ndodhet për një vizitë zyrtare.
Pavarësisht komenteve në distancë nga burrat e tyre ‘Zonjat e para’ kanë qenë të emocionuara në takimin e tyre dhe kanë rënë në sy me look e tyre.
Melania Trump dukej më elegante se asnjëherë teksa ngjiste shkallët e pallatit Presidencial Elyse para drekës me presidentin Donald Trump.
E veshur me një pallto të zezë, që i nxirrte në pah format perfekte, me të carë përpara, 47 vjeçarja është shfaqur elegante duke treguar edhe një herë stilin e saj unik.
Por edhe Brigitte Macron nuk ka mbetur prapa. Ajo është shfaqur me një kostum blu sipër gjurit, me kopsa të arta dhe me këpucë gjithashtu të së njëjtës ngjyrë.
