Një 46-vjecar është ndaluar nga Policia e Durrësit gjatë një kontrolli rutinë në Port. bëhet fjalë për Ermal Daci, i dënuar me 10 vite burg nga gjykata italiane. Ai ishte akuzuar për një sërë veprash penale, si prostitucion dhe rrëmbim personi, dhe marrëdhënie seksuale me dhunë.
Njoftimi
Durrës
Ndalohet një tjetër shtetas i shpallur në kërkim ndërkombëtar me qëllim ekstradimi drejt Italisë.
Gjykata e Napolit në Itali e ka
dënuar me 10 vite e 11 muaj burg.
Specialistët e Drejtorisë Vendore për Kufirin dhe Migracionin Durrës gjatë kontrolllit të dokumentacionit të pasagjerëve në hyrje në Portin e Durrësit kanë konstatuar dhe kapur një shtetas, i cili ishte i shpallur në kërkim ndërkombëtar.
Në vijim Specialistët për Hetimin e Krimeve kanë bërë të mundur ndalimin e shtetasit:
• Ermal (Alberto)Daci 46 vjeç, banues në Tiranë.
Gjykata e Apelit në Napoli Itali e ka dënuar me 10 vite e 11 muaj burg për veprat penale “Shfrytëzim prostitucioni “,
” Rrëmbim personi” dhe
” Marrëdhënie seksuale me dhunë ” parashikuar në nenet 61, 110 të Kodit Penal Italian.
Materialet i kaluan Prokurorisë së Rrethit Gjyqësor Durrës për veprime të mëtejshme.
