Kompania amerikane e industrisë së modës ”Michael Kors” zyrtarizoi sot blerjen e kompanisë italiane ”Versace” me një vlerë rreth 1,83 miliardë euro, duke konfirmuar informacionet që qarkullonin një ditë më parë në media.
“Blerja e “Versace” është një hap i rëndësishëm për grupin tonë. Me burimet që zotërojmë besoj se ”Versace” do të rritet për të tejkaluar dy miliardë dollarë xhiro vjetore”, deklaroi drejtori i përgjithshëm i “Michael Kors”, John Idol, cituar në një komunikatë shtypi.
“Ky është një moment shumë motivues për “Versace”. Jam krenare që marka do të vijojë të mbetet shumë e fuqishme si në industrinë e modës ashtu dhe në kulturën moderne”, u shpreh Donatella Versace, drejtore artistike dhe zëvendëspresidente e grupit me të njëjtin emër.
http://ata.gov.al/2018/09/25/france-michael-kors-blen-versace-per-183-miliarde-euro/
