Pasditen e së hënës është njoftuar largimi nga detyra i Drejtorit të Përgjithshëm të Burgjeve, Arben Çuko. Mësohet se Çuko është zëvendësuar nga Stefan Çipa.
Sipas njoftimit zyrtar të shpërndarë nga Ministria e Drejtësisë thuhet se “ky ndryshim bëhet për të përmirësuar punën e Drejtorisë së Përgjithshme të Burgjeve, veçanërisht në drejtim të rritjes së sigurisë së brendshme dhe kontrollit si dhe rritjes së efikasitetit të luftës kundër korrupsionit në sistemin e burgjeve”.
Arben Çuko nga deputet i PS mori detyrën e Drejtorit të Përgjithshëm të Burgjeve në korrik të vitit të kaluar dhe zëvendësoi Arjan Hoxhën, i cili u emërua në këtë post pas marrëveshjes Rama-Basha.
