Modelja e njohur Emina Cunmulaj tregon vazhdimisht për jetën e saj në rrjetet sociale. Këtë herë, ajo ka treguar se po kalon një moment jo fort të mirë, pasi vajza e saj e vogël është prekur nga një virus ngjitës, e cila shoqërohet me ethe dhe temperaturë të lartë.
Ndërsa poston një foto të vogëlushes së sëmurë, Emina nuk ka kursyer edhe kritikat ndaj nënave që sipas saj janë të papërgjegjshme, duke ekspozuar në publik fëmijët e tyre të prekur me virusin ngjitës për fëmijët e tjerë.
“Vogëlushja ime e gjorë. Ne kaluam gjithë natën zgjuar me ethe e temperaturë dhe simptomat e saj filluan nga duart, këmbët dhe goja. Supozohej të ishim duke udhëtuar për në Bahamas tani, por sigurisht që nuk do të shkojmë. Është hera e dytë që e merr këtë sëmundje nga fëmijët e tjerë. Nuk i kuptoj nënat që nxjerrin fëmijët e tyre në vende publike me një virus ngjitës. Sipas meje janë egoistë”, shkruan e revoltuar modelja.
