Këngëtarja 46 vjeçare ka qenë e ftuara e radhës e programit humoristik të drejtuar nga James Corden, Carpool karaoke. Një program në të cilin të ftuarit këndojnë këngë dhe tregojnë të reja nga jeta e tyre, vetëm se gjithçka ndodh gjatë një udhëtimi me makinë.
Por, gjatë transmetimit të programit, Corden merr telefonin e Lopez për të parë kontaktet e saj, të cilët normalisht ishin disa nga personazhet më të njohur të Hollywood-it si Demi Lovato, Chriss Brown, Bradley Cooper, Iggy Azalea etj. Ai i dërgon një mesazh romantic Leonardo DiCaprio-s në të cilin shkruhej: “Hej zemër, ndihem gati për të festuar. Ndonjë sugjerim? Më thuaj.”
Ajo që nuk pritej ishte që Leonardo DiCaprio menjëherë ka kthyer përgjigje duke shkruajtur: “E ke fjalën për sot? Si thua për një party?”.
Lopez është shprehur se tani i duhet t’i shpjegojë gjithçka aktorit sepse ai mendon se ka qenë me të vërtetë ajo që i ka shkruajtur.
