Kryetarja e Lëvizjes Socialiste për Integrim, Monika Kryemadhi, i ka shprehur ngushëllimet familjes Haradinaj, për humbjen e njeriut të tyre Hilmi Haradinaj.
Përmes një postimi në Facebook, Kryemadhi shkruan se patriotizmi dhe trimëria e Hilmi Haradinajt janë të pashoqe.
Postimi i plotë
Mësova me hidhërim të thellë lajmin e ndarjes nga jeta sot të Hilmi Haradinaj, patriotit simbol të rezistencës për pavarësi!
Me zemër e me gjak ai jetën ia përkushtoi atdheut, familjarisht i dedikuar për të mbrojtur vendin e të parëve, Kosovën e Lirë.
Ngushëllime familjes Haradinaj!
Patriotizmi i Hilmi Haradinaj, trimëria e pashoq e shtëpisë së tij është në themelet dhe jeton me Kosovën e lirë.
I përjetshëm kujtimi i tij!
