Përgjaket Gaza dhe sërish, protagoniste është Amerika. Të paktën 43 palestinezë në Gaza janë qëlluar për vdekje nga trupat izraelite pas përleshjeve që shpërthyen në kufi pak orë përpara hapjes së Ambasadës Amerikane në Jeruzalem. Ndërsa numri i të plagosurve arrin në 2200.
Viktima e parë e identifikuar që quhet Anas Hamdan Qdeih, një 21-vjeçar, i cili u qëllua për vdekje në lindje të Khan Younis.
SHBA do të hapë ambasadën e re në Jeruzalem – një veprim i mirëpritur nga Izraeli, por i dënuar nga palestinezët.
Zyrtarët e lartë të SHBA do të marrin pjesë në këtë ngjarje, përfshirë vajzën e Presidentit Trump, Ivanka dhe bashkëshortin e saj, Jared Kushner.
Ushtria e Izraelit tha se 10,000 protestues të dhunshëm ishin mbledhur përgjatë rrethojës së sigurisë dhe se trupat e tyre po vepronin në përputhje me procedurat standarde.
Izraeli feston edhe 70 vjetorin si shtet, pasi u themelua në 1948.
