Ish- ministri i Jashtëm Besnik Mustafaj pasi ka analizuar situatën ka arritur në përfundimin se Saimir Tahiri duhet arrestuar nga Prokuroria.
Mustafaj i bën thirrje kësaj të fundit që nëse e ka pasur seriozisht kërkesën e paraqitur për Kuvendin, atëherë duhet të veprojë sa më shpejt.
“Prokuroria ka bërë disa seanca me komisionin e ligjeve ku kërkonte arrestimin e Tahirit.
Ta arrestojë nëse ka qenë serioze kur ka paraqit kërkesën ne Kuvend. Nëse do e lëjë në shtëpi sic ka bërë deri tani, reagimin që presim tani duhet të kishte ndodh që sot pasdite.
Kjo do tregojë se ngathtësia e prokurorisë është pjesë e sigurisë, hipotezë që mendoj unë, që është se një nga garancitë që i ka dhënë Rama-Tahirit lidhet me qëndrimin e Prokurorisë.
Shantazhisti më perfekt që ka njoh politika shqiptare në këto 30 vitet e fundit është Saimir Tahiri, s’është një shantazhist i vogël.
Unë do doja të lëvizte Prokuroria, por unë po pres. Kur dëgjova dorëheqjen mendova që të paktën ti bëjë kërkesë parlamentit të përshpejtojë procedurat teknike për lirimin nga imuniteti e për ta arrestuar.
Unë nuk di cfarë faktesh ka ai, por leximi i gjuhës së tij e bën atë një njeri të rrezikshëm. Sot ishte shumë serbes, nuk ishte njeri i trembur.
Varet si do sillet Prokuroria ndaj Tahirit, nëse do e shohë veten realisht të kryqëzuar, do përdorë filozofinë e të mbyturit që do tërheqë pas vetes, nisur nga gjuha që po përdor, tregon se do tërheqë shumë.
Kjo gjë është në një marrëvesdhje mes të dyve dhe ky hap i Tahirit, pra i Ramës dhe Tahirit lidhet në mënyrë të pashmangshme me vizitën e tij në Gjermani.
Kjo është një marrëveshje e bërë pas kthimit nga Gjermania. Nëse mund të flitet për një surprize gna ana e Ramës në Gjermani, është ngritja e cështjes Tahiri si një cështje kryesore që Gjermania të votojë për integrimin. Rama gënjeu në Bundestag
Pas disa ditësh vjen një mision i Bundestagut që ka për detyrë të bëjë një raport për Budestagun ku do ketë edhe rekomandimin për qëndrimin që do mbajë qeveria gjermane.
Kjo dorëheqje bëhet pikërisht para ardhjes së këtij misioni të Bundestagut, edhe gënjeshtrën do përpiqet ta mbulojë por edhe ti heqë një argument deputetëve gjermanë.
Rama ka besuar se mund ta manipulojë kancelaren Merkel, ka harruar se politika gjermane mbështetet mbi faktet dhe jo sharmin”, tha Mustafaj.
