Rikthehen vranësirat, meteorologët: Ja ditët kur priten rrebeshe shiu

Vranësirat janë kthyer sërish, ku “Meteoalb” parashikojnë situatë të njejtë edhe në ditët në vazhdim. Madje të martën dhe të mërkurën priten reshje shiu në formën e rrebeshit.

Sipas “Meteoalb”, kushtet atmosferike mbeten të paqëndrueshme gjatë pjesës së parë të javës duke sjellë në territor shira të përkohshëm.

PARASHIKIMI
Shirat do të jenë në formën e rrebesheve afatshkurtra të martën e të mërkurën, kryesisht në zonat Qendrore dhe Jugore.

Temperaturat e ajrit do të vijojnë me 2 – 3˚C rënie gjatë ditës së martë por rënie më e lehtë pritet të mërkurën dhe të enjten duke shënuar maksimalisht 25 – 26˚C.