Një defekt i rëndë në tubacionin e ujësjellësit, ka bërë që Durrësi të mos furnizohet me ujë të pijshëm, që prej pasdites së të shtunës.
Ujësjellës Kanalizime Durrës njoftoi qytetarët se për shkak të një defekti të rëndë, edhe gjatë ditës së sotme dhe të nesërme, do të ketë probleme në furnizimin me ujë të pijshëm.
Mësohet se shkak i defektit ka qenë ndërprerja e menjëhershme e energjisë elektrike në stacionin e pompave, në Fushë Kuqe.
UKD ndërkohë vazhdon punën për normalizimin e furnizimit me ujë.
