Arti pamor shqiptar ka humbur një nga figurat më të spikatura të tij, piktorin, kritikun dhe historianin e artit, Gëzim Qendro. Artisti është larguar pas një sëmundje të rëndë, të cilës nuk ia doli dot. Kumtin e bëri me dije për publikun e gjerë ministrja e Kulturës, Mirela Kumbaro.
Ja shënimi i saj i trishtë:
Trishtim i madh!
Vendosi të largohet sot prej nesh, pas një sëmundje të rëndë dhe shumë para kohe, një nga më të mirët, më profesionistët e më të mençurit e Artit dhe të Mendjes, kritiku dhe historiani i estetikës dhe artit, drejtori që bëri kthesën në Galerinë Kombëtare të Arteve, Gëzim Qendro.
Le vepra shumë të mira mik!
Por edhe na le një boshllëk të madh njerëzor e miqësor, siç vetëm fisnikët munden.
Je i pazëvendësueshëm!
Lamtumirë!
