Gjestin më të bukur e kanë dhënë sot të moshuarit e Shtëpisë së të Moshuarve te “Ali Demi”, të cilët së bashku me kryetarin e Bashkisë së Tiranës, Erion Veliaj, mbollën 10 pemë mimozash pranë Debatikut, në Parkun e Madh të Liqenit Artificial.
Kryebashkiaku Veliaj i falenderoi të gjithë të moshuarit që mbollën sot pemë për fëmijët e qytetit dhe theksoi se kjo është edhe një mënyrë e mirë për të kujtuar ngjarje apo shokët ose të afërmit që nuk jetojnë më.
Veliaj shtoi se kur ka mbetur edhe më pak se një muaj nga 21 marsi, numri i pemëve të mbjella në këtë sezon ka arritur në 90 mijë.
