Një nga vrasësit më të kërkuar në Shqipëri, David Gjokeja, është arrestuar sot nga Policia Kufitare e Kakavijës.
49-vjeçari është arrestuar me burgim të përjetshëm për vrasjen e dy personave.
“Nga verifikimet e bëra në sistemin TIMS nga Policia Kufitare, si dhe nga konfirmimet e ardhura nga Drejtoritë Vendore të Policisë rezultoi se gjeneralitetet e dhëna nga ky shtetas ishin të rreme.
Pas një pune profesionale të bërë nga Policia Kufitare u bë i mundur identifikimi i këtij shtetasi i cili rezultonte person në kërkim dhe kjo ishte arsyeja e dhënies së gjeneraliteteve të rreme.
Ky shtetas figuron person i shpallur në kërkim, i dënuar me burgim të përjetshëm për vrasjet e shtetasve E.Gj dhe A.Gj”, thekson policia.
David Gjokeja rezultonte një nga 10 personat më të kërkuar të rretheve të Durrësit dhe Krujës.
Tashmë ai pritet të vuajë dënimin e dhënë.
