Instituti i Gjeoshkencave, Ujit dhe Mjedisit ka bërë parashikimin e motit për ditën e sotme dhe të nesërme si dhe zonat që rrezikohen nga përmbytjeve të mundshme.
Bëhet me dije se në mbrëmjen e sotme (e diel, dt.04) do të ulet rreziku nga përmbytja e lumenjve.
Mësohet se në qarqet Fier dhe Vlore është vendosur ngjyra e kuqe, si niveli i lartë i rrezikut për efekt të përmbytjeve dhe jo të reshjeve.
RESHJET
Sot pasdite (e diel, dt.04) priten reshje, por lokale dhe të dobëta, ndërsa nesër (e hënë, dt.05) nuk priten reshje (siç tregohet në tabelë, respektivisht për secilin qark).
Reshjet do të jenë në formën e dëborës 500 metra mbi nivelin e detit, ndërsa në Veri-Lindje në zona të kufizuara edhe më poshtë se ky nivel. (shënim: në rastin e reshjeve të dëborës, 1 mm reshje = 1 cm dëborë e re)
TEMPERATURAT
Nesër (e hënë, dt.05) temperaturat minimale dhe maksimale të ajrit pritet të arrijnë:
në bregdet: 3/13
në vendet e ulëta: 2/13
në vendet malore: -6/7 °C.
ERA: Sot (e diel, dt.04) dhe nesër (e hënë, dt.05) pritet të fryjë e dobët, ndërsa në bregdet deri mesatare.
