Një bombë artizanale e mbushur me gozhda shpërtheu në një qendër tregtare, duke shkaktuar të paktën 10 të plagosur në Shën Pjeterburg.
Komiteti hetimor rus bëri të ditur se bomba kishte potencial të njëjtë shpërthyes me atë të 200 gramëve tritol.
Një zëdhënëse e Kremlinit deklaroi se të gjitha pistat janë të hapura, por pa e përmendur fjalën terrorizëm, pavarësisht se lloji i bombës ngjason me ato të përdorura rëndom nga terroristët.
Në momentin e shpërthimit qendra tregtare ishte e mbushur plot me njerëz që bënin blerjet për Vitin e Ri.
