Reshjet e dendura që kanë rënë dy ditët e fundit kanë shkaktuar probleme në zonën e kalasë së Beratit.
Masivë dheu dhe gurë që janë shkëputur nga shkëmbinjtë kanë rënë në rrugë duke vënë në rrezik kalimtarët dhe drejtuesit e automjeteve.
Ky është i vetmi aks rrugor që e lidh Beratin me Poliçanin dhe Skraparin. Policia rrugore ka ngritur postblloqe përgjatë rrugës që paraqet probleme për të shmangur kaos në trafik. Ndërkohë, firmat e mirëmbajtjes janë duke punuar për largimin e dheut dhe gurëve nga rruga.
mmhttp://top-channel.tv/2017/12/17/probleme-ne-kalane-e-beratit-gure-dhe-shkembinj-bllokojne-rrugen/
