Peleshi bën thirrjen e fundit për banorët: Largohuni, Vjosa gati të shpërthejë!

Lidhur me situatën e përmbytjeve në vend, ministrisë i Bujqësisë, Niko Peleshi ka inspektuar nga afër situatën në urën e Mifolit mbi lumin Vjosë.

Peleshi njofton se niveli i lumit është pranë pikës kritike, ku shton se prurjet e lumit pritet të rriten.

Ministri  u bëri apel banorëve që ndodhen pranë shtratit të lumit, përrenjve, apo derdhjes së tyre, që të evakuohen, dhe të largojnë edhe bagëtitë.

“Kemi ardhur këtu të Ura e Mifolit mbi lumin Vjosë. Duhet ta themi se jemi në kufijtë kritikë të nivelit të lumit Vjosë. Por prurjet pritet të rriten. Jemi në një situatë të ngjashme me atë të vitit 2015. Parashikohet një situatë shumë kritike, duhet shmangur katastrofa. I bëj thirrje të gjithë banorëve që janë pranë shtratit të lumit të largohen, të largojnë bagëtitë. Po mundohemi ta mbajmë”, u shpreh ministri Peleshi.