Ministri për Evropën dhe Punët e Jashtme Ditmir Bushati çeli sot në Tiranë punimet për takimin tre-ditor me Ambasadorët e Shqipërisë në botë për “Ridimensionimin e Diplomacisë Ekonomike Shqiptare: Sfida dhe Mundësi”.
Ky takim do të vijojë përgjatë tre ditëve me pjesëmarrjen edhe të Presidentit të Republikës dhe Kryeministrit.
Përgjatë tre ditëve rresht, në gjashtë panele do të ballafaqohen ide, koncepte, praktika dhe eksperienca, me qëllim evidentimin, përcaktimin, orinetimin dhe ndërtimin së bashku të rrugës dhe drejtimeve që do të ndjekim për sa i takon ridimensionimit dhe fuqizimit të rolit të diplomacisë sonë ekonomike.
Kujtojmë që në fillim të mandatit të dytë, kryeministri Edi Rama kërkoi nga ambasadorët që të sjellin investime në Shqipëri duke i paralajmëruar se në të kundërt i pret shkarkimi.
