Pasi Gjykata e Elbasanit shpalli moskompetencë, çështja për biznesmenin Orest Sota të arrestuar disa ditë më parë do t’i kalojë Prokurorisë së Krimeve të Rënda dhe pritet të dalë për 10 ditë para Gjykatës së Krimeve të Rënda.
Para trupit gjykues, ai duhet të provojë origjinën e 863 mijë eurove që iu gjetën në makinë, gjatë ndalimit nga policia e Elbasanit.
Mësohet se biznesmeni ka thënë se paratë i kishte për të blerë hekur në një kompani, dhe se ishin kursime të punës ndër vite.
Ndërkohë, në makinën e tij u gjetën edhe dy patenta të ish-ministrit të Brendshëm, Saimir Tahiri, për të cilat tha se mund t’i ketë harruar shoferi i Tahirit, me të cilin ka njohje personale.
