Një fotograf i guximshëm ka rrezikuar burgimin për “kontrabandë” të një serie imazhesh të Koresë së Veriut duke shfaqur të fshehtën e këtij vendi që po jeton nën diktaturën komuniste të Kim Jong II.
Gjatë një udhëtimi në këtë vend Michal Huniewicz ka kapur disa fotografi të cilat Kim Jong-u nuk do të donte që ne t’i shihnim.
Ndryshe nga fotografitë e zbukuruara që dalin nga agjencitë shtetërore të lajmeve, imazhet e Huniewicz sjellin një pasqyrë të një vendi të varfër ku çdo gjë kontrollohet nga një diktator.
Ai shkoi në Korenë e Veriut nga Kina vitin e kaluar dhe udhëtoi me një udhëzues koreanoveriur – një nga kushtet për të lejuar një vizitë në vend.
Mr. Huniewicz shmangu sytë vigjilentë të survejuesit të tij për të marrë këto fotografi, të cilat japin një paraqitje të shkurtër e të veçantë të jetës së përditshme të koreano-veriorëve.
Disa foto tregojnë fshatarët duke punuar në fusha, ndërsa të tjerat festën në sheshin Kim II-Sung në kryeqytetin tmerrësisht të pastër, Phenian.
Në një imazh, pastruesit e rrugëve fshijnë trotuaret nën syrin vigjilent të një ushtari në një nga parqet e Phenianit. Në stacionin e trenit që lidh këtë vend me Kinën ka kaq shumë pak lëvizje që tregon se të huajt nuk janë të mirëpritur aty, ndërsa fotot e pallateve gri të kujtojnë arkitekturën komuniste të përdorur edhe në Shqipëri.
Përgatiti: 27.al
