Ministrja e Integrimit Evropian, Dhurata Hoxha ka patur një takim me komisionerin për zgjerim të Bashkimit Evropian, Johanes Hahn, ku kanë diskutuar për axhendën integruese të Kosovës.
Hoxha ka kërkuar përkrahje nga komisioneri Hahn veçanërisht në fushën e zhvillimit ekonomik me theks të veçantë ndihmën per ndërmarrësit e rinj që do të ndikonte në shtimin e vendeve të punës.
Ministrja po ashtu ka theksuar rëndesinë e përmbylljes së procesit të liberalizimit të vizave dhe lëvizjes së lirë të qytetarëve.
Hahn ka ritheksuar qëndrimin për perspektivën evropiane të Kosovës. Hahn konfirmoi mbështetjen për Kosovën dhe perspektivën e saj evropiane si dhe mbështetjen për Ministren Hoxha në përpjekjet për të dinamizuar procesin integrues.
