Sky News ka zbuluar dokumentet që përmbajnë emrat, adresat numrat e telefonit dhe kontaktet e familjeve të 22,000 mbështetësve të Shtetit Islamik.
Sky News ka thënë se i ka siguruar dokumentet nga një ish-anëtar i Shtetit Islamik, i cili raportohet se i ka vjedhur ato nga kreu i policisë së brendshme të grupit ekstremist.
Sky News ka thënë se dokumentet përfshijnë detaje të shtetasve nga së paku 51 vende.
Ministria e Brendshme apo e Jashtme Britanisë nuk ka bërë ende asnjë koment.
Kopjet e dokumenteve të siguruara nga Sky News tregojnë se rekrutët duhet t’iu përgjigjen 23 pyetjeve, përfshirë grupin e tyre të gjakut, emrin e mesëm të nënës, “nivelin e të kuptuarit të Sheriatit” dhe përvojën e mëparshme.
Dokumentet janë ruajtur në një kartë të memories nga një person i identifikuar si Abu Hamed, ish-luftëtar i Ushtrisë së Lirisë Siriane, që më pas ka dezertuar në Shtetin Islmik.
Më vonë, ai është zhgënjyer edhe me këtë grup, duke thënë se rregullat islame brenda grupit janë shembur.
