Pas Kylie, edhe Khloe njoftoi se është në muajin e katërt të shtatzënisë.
Për basketbollistin 26-vjeçar, Tristan Thompson, ky është fëmija i dytë. Por 33-vjeçarja, ylli i “reality show”-t e përjeton për herë të parë një gëzim të tillë.
Ndërkohë, Kim Kardashian dhe bashkëshorti i saj Kanye West presin një vajzë në muajin janar, nga një nënë zëvendësuese, apo “nënë me qira” siç njihet ndryshe.
Khloe pati rrëfyer më herët gjatë vitit se kishte disa probleme me fertilitetin, të cilat e kishin shtyrë mjekun e saj në Beverly Hills t’i rekomandonte sjelljen në jetë të një fëmije sa më shpejt që të jetë e mundur.
Por nga këtu, duket se nuk do të ndalet më. Shumë e kënaqur me kujdesin dhe vëmendjen maksimale të të dashurit të saj, lojtar i Cleveland Cavaliers, Khloe rrëfen për revistën “You” se Tristan është tepër protektiv, shumë i dashur dhe kërkon që të kenë bashkë 5 apo 6 fëmijë. Të dy ata nisën të dalin bashkë shtatorin e vitit 2016, pas një takimi të parë të organizuar nga miq të përbashkët.
