Jetë e vështirë për famijen Lloga nga fshati Lekaj i Rrogozhinës.
Kjo familje jeton në një shtëpi thuajse tërësisht të rrënuar. Çatia është e mbuluar me plasmas, por gjatë kohëve më shi çfarë bie jashtë, futet brenda.
Për shkak të lagështirës dhe problemeve higjenike shtëpia është e mbushur me insekte.
Në shtëpinë e rrënuar aktualisht jetojnë 6 anëtarë, nëna dhe 5 fëmijët e saj, pasi kryefamiljari është larguar në emigracion, për të siguruar ndonjë të ardhur, por deri tani askush nuk di gjë për të, pasi që nga momenti që është larguar nga shtëpija ai nuk është lajmëruar.
Fëmijët më të rritur që kanë filluar shkollën, librat i kanë siguruar nga donacionet e njërëzve të ndryshëm, por nga shteti nuk kanë marrë asnjë ndihmë.
Zonja e shtëpisë, Sabire Lloga, me lot në sy tregon vështirësitë e të jetuarit në kushte të tilla, ajo shpesh ngrihet pa ngrënë vetëm që fëmijët të kenë mundësi për pak ushqim më shumë.
Fëmija më i vogël, vetëm 1 vjeç, është i mbuluar nga mizat, pasi e gjithë shtëpia është e mbushur.
Vera kaloi, por ditët e ftohta do të jenë të vështira për familjen Lloga pasi shtëpia në të cilën jetojnë ëhtë e hapur në të katër anët, dyert janë të shkatërruara, dritaret janë pa xhama.
Edhe pse shpesh janë bërë kërkesa për ndihmë nga shteti deri tani askush nuk është kujtuar të paktën për një arnim të shtëpisë së kësaj familje. Dimri po afron dhe familja Lloga nuk dihet se si do t’ia dalë…!
/Shqiptarja.com/
