Ministria e Shëndetësisë në Maqedoni njoftoi se gjatë 24 orëve të fundit nga 4.751 teste të kryera janë regjistruar 409 raste të reja me covid-19. 161 raste janë regjistruar vetëm në Shkup. Autoritetet shëndetësore njoftojnë se janë regjistruar edhe 289 pacientë të shëruar.
Si pasojë e komplikimeve nga Covid-19, brenda 24 orëve janë regjistruar 8 viktima. Që nga fillimi i pandemisë, në Maqedoni janë regjistruar gjithsej 223.739 raste, prej të cilëve 211.021 janë shëruar, kurse 7.917 kanë ndërruar jetë. Maqedonia aktualisht numëron 4.801 raste aktive me koronavirus.
