Në përkujtim të Javës Çame, kreu i Partisë Drejtësi, Integrim dhe Unitet, Shpëtim Idrizi ka ngritur zërin në parlamentin e Shqipërisë, duke ju përgjigjur minsitrit të jashtëm grek, Nicos Dendias, teksa ky i fundit ka mohuar ekzistencën e Genocidit në Çamëri.
Gjatë fjalës së tij, Idrizi u shpreh se historia greke e mohon çfarë ka ndodhur në ato vite, ndërkohë edhe sot e kësaj dite shumë anëtar të minoritetit etnik, vuajnë që tu njihen të drejtat edhe pse kanë kaluar shumë dekada nga genocidi grek ndaj shqiptarëve të Çamërisë.
Gjithashtu Idrizi shtoi se shteti grek ka një qëndrim foshnjërak ndaj çështjes çame, duke pretenduar se ajo nuk ekziston.
“ Kjo seancë vjen pas javës çame. 27 qershori, dita e gjenocidit mbi çamërinë. Si asnjëherë më parë unë kam parë këtë kauzë, ky parlament ka nderuar kujtimin e çamëve çdo vit, na kujton se kemi ende çdo vit një dramë njerëzore. Sot dua t’ju kujtoj konventat kombëtare. Shqiptarët sot e kësaj dite nuk gëzojnë dot pronat e tyre, shkak shteti i sotëm grek. Ato kanë një përgjigje foshnjërake, që e përsërisin kudo, këtë çështje nuk e njohim, nuk ekziston. E thënë kështu, më kujton atë njeriun që fut gishtat në vesh e mbyll sytë për të mos shikuar atë që ekziston. Ne kemi të bëjmë me disa komponente, unë dua t’i them nga këtu: Kush nuk ekziston?
Si unë në sallë janë dhe 5 deputetë të tjerë që janë çamë e që ekzistojnë. Ne shqiptarët e çamërisë nuk jemi rastësisht këtu, jemi këtu si pasardhës të atyre që u dëbuan vetëm se ishin shqiptarë. Ju e dini shumë mirë se në zgjedhjet e fundit ishin mbi 30 kandidatë çamë. Ky arsyetim është jo serioz i diplomacisë greke.
Kërkojmë nga Greqia një falje publike, ne nuk e bëjmë përgjegjës shtetin e sotëm grek. Të kërkosh falje nuk është tabu”, u shpreh Idrizi.
