Rreth 70 persona janë helmuar në Tropojë, ndërsa policia ka arrestuar pronarin e restorantit ku ata konsumuan ushqimin.
Të helmuarit janë paraqitur në spitalin e qytetit për të marrë ndihmën mjekësore.
Pronari i një restoranti është arrestuar nga policia pas helmimit të 70 personave që kishin konsumuar ushqim në lokalin e tij.
Hetimet paraprake tregojnë se ata kanë konsumuar ushqimin në lokalin e Dashamir P., 47 vjeç nga Gjakova, në lagjen “28 gushti” të qytetit.
Ndërkaq, në bashkëpunim me specialistët e AKU dhe drejtorisë së Shëndetit Publik Tropojë, janë marrë mostrat për kryerjen e ekzaminimeve përkatëse. Dyshohet se shkaktare kanë qënë produktet e mishit.
