50 vjet më parë anija kozmike e nisur nga Florida dërgoi njerëzit e parë në Hënë.
“Ne ekuipazhi, ndjenim peshën e botës mbi shpinë, e dinim se të gjithë i kishin sytë tek ne, miqtë dhe armiqtë”, thotë veterani i këtij misioni, Michael Collins.
Michael Collins dhe piloti i modulit, Buzz Aldrin janë dy pjesëtarët e vetëm ende në jetë të atij misioni që do të ndryshonte mënyrën se si njerëzimi e shihte botën në univers. Komandanti i tyre, Neil Armstrong, njeriu i parë që shkeli në hënë, u nda nga jeta në vitin 2012, në moshën 82-vjeçare.
