Policia kufitare e Kakavijës ka vënë në pranga një grua e identifikuar si Elira Varfi pasi është kapur duke trafikuar lëndë narkotike drejt Greqisë.
Sipas njoftimit, gjatë kontrollit të pasagjerëve në linjën e autobusit autobusit Berat-Athinë, Varfit iu gjetën 10 pako me lëndë të dyshuar narkotike, në 8 prej të cilave kishte lëndë të dyshuar narkotike heroinë(me peshë totale 4 kg e 160 gramë), ndërsa 2 pako kishin lëndë të dyshuar narkotike kokainë (me peshë totale 780 gramë.)
Pas kontrollit, gruaja u vendos në pranga. Materialet i kaluan Prokurorisë Pranë Gjykatës së Shkallës së Parë Gjirokastër, për veprën penale “Trafikimi i lëndëve narkotike”.
