Një ngjarje e rëndë tronditi Francën por edhe Shqipërinë ditën e Krishtlindjes kur një shqiptare e cila punonte prostitutë u gjet e masakruar në një park të Mugins në afërsi të Kanës.
Nëna e 37 vjeçares Brunilda Kovaçi, Fatimja kërkon rikthimin në Shqipëri të trupit të pajetë të vajzës së saj.
Ajo është njohur me procedurat e Ministrisë së Punëve të Jashtme, sipas së cilës pasi mbyllen hetimet dhe jepet dakordësia për përcjelljen e trupit në Shqipëri. Sipas procedurave familja që duhet të bëjë pagesën e agjencisë mortore, e më pas bëhet kompensimi nga shteti.
Por, Fatime Kovaçi thotë se nuk ka asnjë mundësi për të bërë pagesa, ndërsa këmbëngul në kthimin e trupit, duke dashur që vajza e saj të prehet në varrezat e Beratit, e ku thotë se e ka më të lehtë për t’i dërguar një tufë me lule e ta kujtojë.
