Fondi 35 milion dollarë të kërkuar nga Ministria e Transportit për 4 km të rrugës Tiranë-Elbasan, ka përplasur aleatët në koalicionin qeverisës në Komisionin e Ligjeve.
Deputetët e PS-së kërkuan më shumë shpjegim edhe informacione nga përfaqësuesit e Ministrisë të drejtuar nga Sokol Dervishaj i LSI-së.
Rrëshqitjet në skarpatet e rrugës në zonën e Ibës me lartësi 700 metra, ishte shpjegimi i Ministrisë së 35 milion dollarë që kërkon shtesë.
Deputeti i përjashtuar Tom Doshi ka akuzuar Ministrinë për korrupsion dhe ndërhyrja e tij ka shkaktuar debat agresiv me anëtarët e tjerë të Komisonit.
Gjatë diskutimeve deputeti socialist Taulant Balla ka bërë fajtore qeverinë e kaluar për fillimin e rrugës pa projekt dhe studim gjeologjik.
Ndërsa rruga Tiranë-Elbasan ka si afat përfundimin e punimeve në 31 tetor 2017.
