Kryeministri Edi Rama ka emëruar si zv.ministër të ri të Infrastrukturës dhe Energjisë, Hantin Bonatin. Vendimi është marrë sot gjatë mbledhjes së Këshillit të Ministrave. Emërimi është firmosur nga kryeministri Edi Rama.
VE N D I M
PËR
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Hantin Bonati emërohet zëvendësministër i Infrastrukturës dhe Energjisë.
Ky vendim hyn në fuqi menjëherë.
KRYEMINISTRI
EDI RAMA
Një tjetër vendim i kryeministrit Edi Rama është lirimi nga detyra i prefektit aktual të Kukësit, Zenel Kuçana. Zëvendësuesi i tij në krye të Prefekturës së qarkut verilindor sipas vendimit të publikuar së fundmi në “Fletoren Zyrtare” do të jetë Ali Hallaçi.
“Në mbështetje të neneve 100 e 114 të Kushtetutës, dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave V E N D O S I: Z. Zenel Kuçana, prefekt i Qarkut të Kukësit, lirohet nga kjo detyrë. Z. Ali Hallaçi emërohet prefekt i Qarkut të Kukësit”, thuhet në vendimin e Këshillit të Ministrave.
