Një 21-vjeçar shqiptar ka humbur jetën pasi është qëlluar për vdekje me thikë në Londër. Viktima është identifikuar si Renato Geci.
Në pranga kanë rënë një 31-vjeçar si dhe një vajzë e re, kjo e fundit akuzohet se ndihmoi autorin e krimit.
Së fundmi, vëllai i viktimës, Ritvan Geci, ka bërë një dedikim prekës në rrjetet sociale ku dhe lajmëruar për ndarjen nga jeta të vëllait.
“Me hidhërim të thellë ju lajmëroj se ka ndërruar jetë vëllai im Renato Geci. Qofsh banor i Xhenetit Vlla. ( ne do të qëndrojmë të fortë për ty se ashtu ke dashtë gjithmonë të na shohësh ). Gjithmonë do ti shtrëngoj fort në zemrën teme kujtimet e tua, e do të të thërras, o Neni Vogël !!” shkruan Ritvan Geci.
