Një pallat në lagjen nr.21 në lagjen 7 është duke u rindërtuar pasi kishte dëmtime në themele. Rreth 20 familje të këtij pallati raportojnë se këto punime janë duke u kryer mbi themelet e pallatit të demoluar. Ata kanë protestuar përpara Bashkisë Durrës, mëngjesin e sotëm, ndërsa kërkojnë të ngrenë shqetësimin tek kryebashkiakja Emirjana Sako, po nuk i kanë lejuar.
Kjo situatë, ka ngjallur frikë dhe pakënaqësi mes banorëve të cilët deklarojnë se pallati i tyre u shemb pikërisht prej dëmtimeve në themele dhe se nuk mund të ketë më siguri për katet që do të ndërtohen pa themele të reja sipas tyre.
Pallati nr. 21 pritet të ndërtohet me 6 kate për 20 familjet, ndërkohë banorët deklarojnë se më herët pallati ka qenë me 5 kate, çfarë do të thotë se do të ketë familje të tjera që do të zhvendosen në këtë pallat dhe se punimet duhet të sigurojnë edhe më shumë godinën e re.
