Kreu i degës së Partisë Demokratike në Durrës, Ferdinand Xhaferaj në një deklaratë nga zona e prekur nga tërmeti në Durrës u shpreh Edi Rama ka dështua, ndrëkohë q kaluan dy vite nga ngjarja tragjike.
Xhaferaj u shpreh mes të tjerash se “suksesi” i vetëm i kryeministrit me rindërtimin ështe se ka arritur të fshehë personat përgjegjës.
Deklarata e plotë:
Kur u mbushen dy vite nga tërmeti i 26 nëntorit, evidenca dhe realiteti janë pasqyrat ku përplasin dhe dalin të vërtetat e rilindjes me rindërtimin.
I vetmi “sukses” i kryeministrit Rama me rindertimin është se ja kanë arritur të fshehi personat përgjegjës. Është e dokumentuar tashmë që nen mbrojtjen e Ramës askush nuk ka mbajtur përgjegjësi. Rama ja ka borxh Durrësit që të vij e të thotë se pallatet u rrafshuan urgjentisht dhe asgje nuk është bërë sepse ska qënë shqetësimi të ribëheshin pallatet, por vetem si të zhdukeshin gjurmët dhe evidenca e shkelësve të ligjit. Edhe në një fatkeqsi natyrore, Rama i dëshmoi shqiptarëve se ligji nuk vlen njësoj për të gjithë.
Rama ka dështuar me rindërtimin sepse në 14 Dhjetor të 2019 do të deklaronte se deri në Qershor të 2021 do të merrte fund procesi i rindërtimit. Por, ndërsa kanë qenë rreth 6000 familje me bonus qeraje aktualisht sot marrin bonus qeraje 3800 familje.
Pra, kemi 3800 familje që akoma se kane të zgjidhur problematikën e tërmetit.
Rama ka dështuar me rindertimin sepse faktet tregojnë se kanë qenë 36 pallate DS5 dhe 124 pallate DS4 që konsiderohen të dëmtuara shumë rëndë.
Aktualisht po punohet vetëm në 11 pallate DS4 dhe janë në proces gare 13 pallate që presin të financohen. Pra, nga 160 objekte DS4 dhe DS5 ka filluar puna vetëm në 11.
Rama jo vetëm ka dështuar, por edhe ka abuzuar me rindërtimin sepse po të shohim shkollat në fillim u tha se ishin 14 shkolla të dëmtuara rëndë. Por, babëzia për të abuzuar e çoi numrin e shkollave të demtuara rëndë në 30 duke shtuar edhe shkolla qe po bëhej normalisht mësim.
Shkolla me tre dhe katër kate që janë shpenzur rreth tre miliardë lekë për t’i rindertuar janë vitrinat ku shfaqet qeveria që përfiton edhe nga fatkeqsia.
Pra, e vetmja evidence që Procesi i rindërtimit ka prodhuar në Durrës, përgjatë këtyre dy viteve, është se si bujaria europiane është shpërdoruar nga babezia qeveritare. Sot mbas dy viteve nga tragjedia, i vetmi bilanc i rilindjes për tërmetin është se në çdo hallkë të përballimit të situatës kemi parë vetëm paaftësi, papërgjegjshmëri dhe abuzim.
