FSDKSH ëshë fondi, i cili menaxhon skemën e sigurimeve në vend, por duke u bërë pjesë e skandaleve dhe abuzimeve disa here ky institucion po kthehet në një gangrenë aferash korruptive. Këtë herë institucioni në fjalë ka abuzuar me tender të vlerës 9 mln lekë, për të cilin në Komsionerin e Prokurimit Publik janë dorëzuar 2 ankesa brenda pak orësh.
Bëhet fjalë për tenderin me numër reference 15926-12-21-2021, i cili ka si object blerje karburanti, por që me sa duket gara për fituesin nuk është bërë sipas rregullave ligjore, duke bërë që operatorët e skualifikuar nga gara të ankohen. Ankesa e parë është paraqitur në mesditën e datës 27 janar 2022, e bërë nga kompania “Kastrati” SHPK, i cili shprehet se FSDKSH nuk ka bërë si duhet vlerësimin e operatoëve, madje ka arritur deri aty sa të falsifikojë dokumentet. Më tutje, ankimuesi shprehet se, autoriteti kontraktor ka përdorur kritere të ndryshme për operatorë të ndryshme, duke bërë që disa prej tyre të skualifkohen padrejtësisht, paraprakisht nga gara. Në këtë mënyrë tenderi iu dha pa garë fare kompanisë së vetme që FSDKSH nuk e hoqi nga lista.
Kështu, vetëm pak orë më vonë, në mëngjesin e datës 28 janar 2022 pranë KPP ka paraqitur ankesë për të njëjtën arsye dhe për të njëjtin tender kompania “O L S I”. E cila gjithashtu shprehet se është skualifikuar pa të drejtë nga gara dhe për këtë arsye kërkon rishikimin e procedurave. Pra një valë ankesash që shtohen për këtë instiucion, ajo që na bënë përshtypje është se paratë e shqiptarëve vidhen cdo ditë dhe instiucionet përgjegjëse bëjnë sikur nuk i shohin. A nuk iu rëndon vallë fakti që 9 milionë lekë vetëm për karburant janë luks dhe para të keqshpenzuara?
