Një 46-vjeçar me iniciale F.K, i shpallur në kërkim për një sasi të madhe droge të gjetur në banesë ka rënë në prangat e policisë së Vlorës. Sipas policisë, 46-vjeçari në banesën e tij, kishte përshtatur si serë me fidanë kanabis me lidhje të jashtëligjshme të energjisë elektrike. Në banesë iu gjetën gjithsej 262 kg kanabis. I arrestuari ishte shpallur në kërkim, së bashku me shtetasit E.K, 22 vjeç dhe K.K 21 vjeç. 21 vjeçari u arrestua më 12 prill të këtij viti.
“Operacioni, i zhvilluar nga Seksioni për Hetimin e Trafiqeve të Paligjshme dhe Narkotikëve, në bashkëpunim me Forcën Operacionale, të DVP Vlorë. Specialistët e Seksionit për Hetimin e Trafiqeve të Paligjshme dhe Narkotikëve, në bashkëpunim me Forcën Operacionale, të DVP Vlorë, bazuar në informacionet e siguruara në rrugë operative, për vendndodhjen e një personi të shpallur në kërkim në kuadër të operacionit policor të koduar “Çairet”, organizuan punën për kapjen e tij. Në vijim të këtij operacioni u bë kapja dhe ndalimi i shtetasit:
-F. K., 46 vjeç, banues në Kaninë, Vlorë, të cilit Gjykata e Rrethit Gjyqësor Vlorë i ka caktuar masën e sigurisë ”Arrest në burg”, për veprat penale “Kultivimi i bimëve narkotike”, “Prodhimi dhe shitja e lëndëve narkotike” dhe “Vjedhja e energjisë elektrike”, të kryera në bashkëpunim.
Ky shtetas ishte shpallur në kërkim, së bashku me shtetasit E. K., 22 vjeç dhe K. K., 21 vjeç. 21-vjeçari u lokalizua dhe u arrestua më 12 prill të këtij viti.
Në vendin e quajtur “Çairet”, në fshatin Kaninë, gjatë kontrollit të ushtruar nga shërbimet e Policisë, në banesën e shtetasit të vënë në pranga sot, F. K. si dhe në një ambient pranë saj, të përshtatur si serë, me lidhje të jashtëligjshme të energjisë elektrike, u gjetën dhe u sekuestruan gjithsej 262 kg kanabis dhe fidanë narkotikë të kultivuar.”-njofton policia.
Ndeshje e çmendur mes Interit dhe Napolit, Scott McTominay barazon dy herë –
Duel spektakolar me plot 4 gola mes Interit dhe Napolit. Skot Mek Tominej dy herë e ndihmoi Napolin të rikthehej...
